لو بتعاني مع ابنك او بنتك في المذاكرة
مفيد جدا بدأت الدراسة وبدأت معاها معاناة المذاكرة طبعاً عاوزين الحل!
مبدئياً في مقولة لأفلاطون بيقول فيها: " لا تربي الأطفال على التعلم بالقوة والقسوة، بل قدم لهم الوسائل التعليمية المسلية التي تناسب عقولهم، وسوف تلاحظ إصراراً غريباً منهم على التعلم "
طب يا ترى ازاي ننفذ المقولة دي!
وايه ممكن نعمله يحببهم في التعلم؟
هنقولكم خطوات وأمثلة تساعدكم
لازم نخلي هدفنا في الفترة اللي بنقعد فيها للمذاكرة إنها تكون ممتعة ومش مجهدة عشان في الأول والآخر لازم يكون هدفنا إن الطفل يتعلم ويستفاد مش مجرد دش وحفظ ودرجات في الامتحان وخلاص
اعملي نفسك تلميذة وابنك الأستاذ وخليه هو اللي يشرحلك الدرس الطريقة دي رغم إن ممكن ناس تشوفها حاجة تافهة إلا إنها بتثبت المعلومة جدا وبتخليه يستوعبها جدا جدا وبتساعدك تعرف إذا كان هو فهم صح ولا غلط
لو طفلك مش حابب كتب المدرسة، ممكن تجيبيله حاجات تانية تكون جذابة ومثيرة للاهتمام وتكون بتتكلم في الموضوعات اللي عنده في الكتب
اعملي قايمة مع طفلك بالواجبات المطلوبة منه النهاردة وكلما يخلص حاجة علمي عليها 🖍 دا لأن الأطفال وكمان الكبار لما عقلهم الباطن بيحس إن الحاجة دي كبيرة ومش هتخلص بيحصله حالة خمول وكسل لكن لو شايفها بتخلص هيتحفز يخلصها أسرع
ماتسيبيش ابنك يكتب الواجب ولا يذاكر لوحده ماتتحسسيهوش إن هو منبوذ وقت المذاكرة، دا هيحسسه بالملل والوحدة وهيكره المذاكرة لكن ممكن تقعدي في مكان قريب منه تكوني بتشتغلي مثلا أو بتاخدي كورس أو بتقرأي في كتاب مثلا بحيث يحس إنه مش لوحده
ويااه بقى لو الكتاب اللي بتقرأيه يكون فيه طريقة لعب أو نشاط معاه زي " ماما يلا نلعب " وتعرفيه إنك بتستعدي للعب معاه بعد ما يخلص مذاكرة كده هيتحفز أكتر ويتشجع أكتر
اربطي اللي بيتعلمه الطفل بحاجات يومية زي لو هتعلميه عن الحركة اشرحيله تطبيق دا في الدراجة مثلاً
حفزي طفلك طب ازاي!
ادخلي معاه في سباق حطي لنفسك هدف قراءة جزء من كتاب أو تنظيف وهو بردو حدديله المطلوب منه في المذاكرة وقوليله اللي هيخلص الأول هيكون الفايز وممكن تتفقوا على حاجة تعملوها للفايز وممكن تكون حاجة تعليمية بردو بس متخفية في شكل لعب ممكن تحفزيه برضو بطريقة لطيفة جداً
اعملي كروت ملونة واكتبي على كل واحدة نشاط أو لعبة زي مثلاً ( هنلعب ببنك النيترون أ، هنلعب بجينو حيوانات أ، نشاط من مجموعة ماما يلا نلعب أو أي نشاط تاني ) وكل يوم لما يخلص واجبه خليه ياخد كارت وتعملوا النشاط الموجود فيه
خلي ابنك يتعلم باستعمال حواسه وعن طريق التجربة
نمي مهارات القراءة عند ابنك بطريقة عملية زي إنه يساعدك في طبخة فيقرأ المكونات، أو يقرأ كتيبات فيها طريقة تركيب حاجة
لو ابنك عاوز يتعلم حاجة مش موجودة في الكتاب علميهاله وخليكِ منفتحة، مش كل حاجة مبنتعلمهاش في المدرسة تبقى ملهاش لازمةلو قالك ازاي الطيارة بتطير؟ بدل ما تقوليله مش مهم دلوقتي ركز في مذاكرتك هاتيله كتيب يشرح كده.
زي مثلاً كتيبات " اسألني يا عبقرينو "، وعن طريقها هتقدري تطبقي النقطتين اللي فاتوا كمان لأنه هينمي مهارات قرائته وهيبني أسانسير ويعمل تليفون ويبني حاجات بنفسه
وشكرا لزيارتكم
تابعونا علي موقع معلومات جديده كي يصلكم كل جديد
هذا رابط شراء كتاب طبخ لبناء العضلات من هنا
وهذا ايضا عرض باليو الكبير من هنا
وايضا كتاب الطبخ وصفات نباتيه من هنا
كتاب طبخ فقد الدهون من هنا
تعليقات
إرسال تعليق